ХҮНДЭТ ДЭВТЭРТ
Гадаад явдлын яамны коллегийн 1971 оны 09 дүгээр сарын 22-ны өдрийн 27 дугаар хурлаар Дипломат албаны 50 жилийн ойг тохиолдуулан Гадаад явдлын яамны “Хүндэт дэвтэр”, “Дипломатын хүндэт диплом”-ыг бий болгох асуудлыг хэлэлцэн шийдвэрлэсэн байна.
“Хүндэт дэвтэр”-т Монгол Ардын Хувьсгалт Нам, төрийн гадаад бодлогыг удирдан чиглүүлэх, түүнийг хэрэгжүүлэхэд гарамгай гавъяа байгуулагсад, дипломат албанд олон жил хүчин зүтгэж үнэтэй хувь нэмэр оруулсан хүмүүсийг бичиж байхаар тогтжээ. “Хүндэт дэвтэр”-т бичих хүмүүсийг Сайдын зөвлөлийн хурлаар /тухайн үеийн коллегийн/ хэлэлцүүлж, сайдын тушаалаар баталж байхаар зохицуулсан.
1971-1989 оны хоооронд нийт 8 хүнийг “Хүндэт дэвтэр”-т дуурсган бичсэн байна. Үүнд:
|
Сайдын 1971 оны 11 дүгээр сарын 11-ний өдрийн 220 дугаар тушаалаар |
Д.Сүхбаатар, Ю.Цэдэнбал, Ж.Самбуу, С.Лувсан, Н.Ядамжав |
|
|
Сайдын 1975 оны 02 дугаар сарын 05-ны өдрийн 25 дугаар тушаалаар |
Б.Жаргалсайхан |
|
|
Сайдын 1987 оны 03 дугаар сарын 13-ны өдрийн 28 дугаар тушаалаар |
Д.Адилбиш |
|
|
Сайдын 1989 оны 04 дүгээр сарын 28-ны өдрийн 66 дугаар тушаалаар |
П.Шагдарсүрэн |
“Хүндэт дэвтэрт бичигдсэн хүмүүст тусгай үнэмлэх олгоно” гэж заасан байна. 1989 оноос хойш “Хүндэт дэвтэр”-т нэмж бичилт хийгээгүй болно.